Servicio de Apoyo a la Gestión y Continuidad Asistencial - NOU

Kudeaketa Laguntzeko eta Laguntzaren Jarraitutasunerako Zerbitzuak sostengua ematen die Nafarroko Ospitale Unibertsitarioko zerbitzu eta unitate klinikoei eta zuzendaritzari, honako alderdi hauek sustatzeko: kudeaketa klinikoa, oinarrizko osasun-laguntzarekiko koordinazioa, arta-prozesuen hobekuntza eta osasun-estrategia korporatiboen hedapena.

NOUko G pabilioiko lehenengo solairuan dago eta lanbide eta estamentu anitzekoa da.

Zentroaren organigraman Zuzendaritza Asistentzialean kokatzen da.

Kontaktua: gesclinchn@navarra.es

Irailaren 3ko 171/2015 Foru Dekretuak definitzen ditu bere eginkizunak (foru dekretu horren bidez onetsi ziren Osasunbidea-Nafarroako Osasun Zerbitzuaren Estatutuak). Bi atal ditu, 54/2016 Foru Aginduaren bidez sortuak: Estrategia Korporatiboak Ezartzen Laguntzeko Atala eta Antolaketa Berritzeko eta Prozesuak Hobetzeko Atala.

Bere eginkizunak dira aholkularitza eta laguntza metodologiko eta operatiboa eskaintzea honako arlo hauetan:

• Eria artatzeko prozesuak hobetzea.
• Unitate edo zerbitzuaren plangintza, programazio eta antolaketa operatiboa.
• Zerbitzuan osasun emaitzak hobetzeko estrategiak hedatzea.
• Unitateko edo zerbitzuko plan estrategikoak eta kalitatearenak garatzea.
• Zerbitzuen zorroa zehaztea.
• Ikerketa eta prestakuntza planak garatzea.
• Giza baliabideetan eta bitarteko teknologikoetan dauden beharrak aztertzea.
• Unitate klinikoen antolaketa eta funtzionamendua.
• Unitateen kontratu programak egitea.
• Jarduera eta osasun emaitzak ebaluatzea.
• Prozesuen kalitateari eta efizientziari buruzko adierazleak zehaztea.
• Informazio-sistema operatibo klinikoen eta kudeaketakoen eskakizunak.

Bere jarduera nagusiak honako alor hauetan biltzen dira: 

• Kudeaketa klinikoa. Kudeaketa klinikoko ereduak diziplina anitzeko unitateetan. Kudeaketa klinikoa planifikatu eta ebaluatzeko tresnak. Oinarrizko osasun laguntzaren eta laguntza espezializatuaren koordinazioa.
• Kalitatea eta ziurtagiriak/akreditazioak
• Paziente kronikoen arreta 
• Ikerketa, berrikuntza eta prestakuntza.
• Pazienteen eta barneko bezeroen pertzepzioa. Pazienteen esperientzia. 
• Pazienteen segurtasuna.
• Telemedikuntzaren eta kudeaketa-integratuko sistemen garapena