Política de calidad - NOU-Farmazia
Kalitate politika
NOU-Farmazia
Kalitate politika
- Pazientearen asistentzia prozesuari kalitatea gehitzea, farmakoterapia eraginkorra, segurua eta efizientea ahalbidetuko duen arreta indibidualizatuaren bidez.
- Preskripzio medikoaren kalitatea bermatzeko sistema izatea, esku-hartze farmazeutikoen eta klinikoekiko harremanen bidez.
- Jarduera eta erabaki guztiak bideratzea Nafarroako Ospitale Unibertsitarioko medikamentuen inguruko beharrak asetzera, ezohiko egoerei ere erantzuteko aukera emanez.
- Erabiltzen diren sendagaiak hautatzen parte hartzea, kalitateari, eraginkortasunari, segurtasunari eta kostuari lotutako irizpideen arabera, prozesu horietan etengabeko hobekuntza ziurtatuz.
- Formula magistralak edo farmaziako bertako prestakinak eskuratzearen, kalitatearen, behar bezala kontserbatzearen, zaintzearen eta prestatzearen erantzukizun teknikoa bermatzea eta bere gain hartzea.
- Sendagaiak banatzeko sistema eraginkor eta segurua ezartzea, eta ospitale barruko jardueretarako eta ospitalez kanpoko tratamenduetarako behar diren sendagaiak ematea, behar bezala ematen direla bermatuz.
- Ikerketa klinikoko fasean dauden produktuak zaintzea eta ematea, eta estupefazienteei, psikotropikoei edo kontrol berezia behar duen beste edozein sendagairi buruzko legeria betetzen dela zaintzea.
- Zaintza farmakologikoko sistema bat izatea, sendagaien erabilerarekin lotutako gorabeherak eta ondorio kaltegarriak detektatzen dituena.
- Langileen inplikazioa eta parte-hartzea sustatzea Zerbitzuaren jardueretan, uste baitugu guztion ekarpenak ezinbestekoak direla prozesuak kudeatzeko eta etengabeko hobekuntzarako dinamikari eusteko.
- Jarduera guztiak etengabeko hobekuntzaren esparruan garatzea, Farmazia Zerbitzuko giza taldeko kide guztien parte-hartzearekin eta haien etengabeko prestakuntza bermatuz.
- Prozesu eta jarduketa guztiak bideratzea bezeroaren beharrak asetzera.
- Pazienteen datu pertsonalen konfidentzialtasuna bermatzea, baita historia klinikoan jasotako preskripzio medikoetatik abiatuta jasotako tratamenduena ere.
- Farmazia Zerbitzuaren prozesuei aplika dakizkiekeen legezko betekizunak betetzea.