NOUko Neurokirurgia Zerbitzuak bere zerbitzu zorroko prozedura neurokirurgiko guztiak egiteko behar diren tresna eta teknologia guztiak dauzka.

Jarraian gaur egungo neurokirurgian maiz erabiltzen diren ekipo garrantzitsuenetako batzuk aipatuko ditugu:

• Mikroskopio kirurgikoa; 2 modulu dauzka:
  • Fluoreszentzia onkologikorako modulua, gradu altuko gliomen tratamendurako. Garuneko tumore gaiztoen erresekzioa tumore-zelulak tindatzen dituen koloratzaile baten gidaritzapean
  • Fluoreszentziarako modulua, bideoangiografiak egiteko indozianina-berdeaz garuneko eta bizkarrezurreko patologia baskularren tratamenduan.
• Xurgagailu ultrasonikoa
• Ebakuntza barneko neuronabigazio-sistema
• Ebakuntza barneko ekografoa
• Neuroendoskopioak bentrikuluetan sartzeko eta garezurraren oinarrira heltzeko sudur-zuloetan barna.
• Estereotaxia gida
• Ebakuntza barneko monitorizazio neurofisiologikorako sistema (Neurofisiologia Zerbitzua)
• X izpien aparatu eramangarria. Fluoroskopioa.
• Posizio neurokirurgiko guztietarako prestatutako mahai kirurgikoak.
• Kraniostatoak (erradiogardena barne)
• Abiadura handiko motorrak eta kraniotomoak 
• Irrati-frekuentziako sorgailua
• Koagulazio bipolarra irrigazioarekin eta elektrokauterioekin
• Ebakuntza barneko doppler zunda neurokirurgia baskularrerako.
• Espezialitateko ebakuntzetarako behar diren tresna kirurgiko bereziak.
• Mikrokirurgiako tresnak.